🇮🇱 इजरायलमा १ हजार ४६४ नेपाली सहायक कामदारको माग, तलब ३ लाख २२ हजारसम्म

काठमाडौं । इजरायलका दीर्घकालीन स्याहार केन्द्रमा काम गर्न १ हजार ४६४ जना नेपाली सहायक कामदार माग गरिएको छ। माग गरिएका कामदारमध्ये १ हजार १३२ जना महिला र ३३२ जना पुरुष छनोट गरिने जनाइएको छ।

आवेदन दिनका लागि उम्मेदवारको उमेर २५ वर्ष पूरा भई ४५ वर्ष ननाघेको हुनुपर्ने उल्लेख छ।

त्यस्तै, छनोट हुने कामदारको मासिक तलब ६ हजार ४४३.८५ इजरायली शेकेल तोकिएको छ। हालको विनिमय दरअनुसार यो रकम करिब रु. ३ लाख २२ हजार बराबर हुन्छ। यद्यपि वास्तविक प्राप्त रकम विनिमय दर तथा लागू हुने कटौतीअनुसार फरक पर्न सक्नेछ।

कामदारले सातामा ४२ घण्टा काम गर्नुपर्ने र सातामा एक दिन बिदा हुने व्यवस्था रहेको बताइएको छ।

📅 आवेदन दिने अन्तिम मिति

📅 आवेदन दिने अन्तिम मिति

आवेदन दिने अन्तिम समय १२ अक्टोबर २०२६ राति ११:५९ बजेसम्म तोकिएको छ।

इजरायलमा रोजगारीका लागि इच्छुक नेपालीले आवेदन दिनुअघि आवश्यक योग्यता, प्रक्रिया तथा अन्य सम्पूर्ण विवरण आधिकारिक सूचनाबाट जाँच गर्न आग्रह गरिएको छ।

👉 आधिकारिक आवेदन प्रणाली:
ferms.dofe.gov.np

SOURCE NEPAL NEWS
सत्य, तथ्य र निष्पक्ष समाचार