राजस्व सङ्कलन २ खर्ब २ अर्ब ७२ करोड, गत वर्षभन्दा १५.४ प्रतिशत वृद्धि

काठमाडौं । चालु आर्थिक वर्ष २०८३/८४ को असोज ७ गतेसम्म सरकारको कुल राजस्व सङ्कलन २ खर्ब २ अर्ब ७२ करोड रुपैयाँ पुगेको छ।

राजस्व व्यवस्थापन सूचना प्रणाली (RMIS) का अनुसार सरकारले चालु आर्थिक वर्षमा १५ खर्ब ८० अर्ब ३२ करोड रुपैयाँ राजस्व सङ्कलन गर्ने वार्षिक लक्ष्य राखेको छ। असोज महिनासम्मका लागि भने ३ खर्ब ३० अर्ब २२ करोड रुपैयाँ सङ्कलन गर्ने लक्ष्य निर्धारण गरिएको थियो।

असोज ७ गतेसम्मको कुल सङ्कलन लक्ष्यको ६१.३९ प्रतिशत हो।

त्यस्तै, असोज महिनामा मात्रै १८ अर्ब १४ करोड रुपैयाँ राजस्व सङ्कलन भएको छ। असोज ७ गते एकै दिन ४ अर्ब ३४ करोड रुपैयाँ राजस्व उठेको विवरणमा उल्लेख छ।

गत आर्थिक वर्ष २०८२/८३ को असोज ७ गतेसम्म १ खर्ब ७५ अर्ब ६३ करोड रुपैयाँ राजस्व सङ्कलन भएको थियो। त्यसको तुलनामा चालु आर्थिक वर्षको सोही अवधिमा राजस्व सङ्कलन १५.४ प्रतिशतले बढेको देखिएको छ।